ROXAS CITY – Nagpatigayon sang pre-validation ang katapo sang Panitan Municipal Agriculturist matapos ang pag-obserbar sa banwa sang Dumalag.
Ini ang ginpahayag ni Veronica Delfin, Municipal Agriculturist sang Panitan sang ma-interview sang Bombo Radyo Roxas.
Gin-schedule ang pag-release sang P5,000 nga ayuda sa mga mangunguma nga resipyente sang programa sa Pebrero 25 tobtob 26 sa Panitan Agricultural Center.
Ginpahayag sang opisyal nga may kapin sa 3,788 ka mga benepisyaryo nga mga mangunguma ang nalakip sa nasambit nga programa.
Base sa rekord sang talatapan, may 4,803 ang mga na-rehistro nga mga mangunguma sa ila nga programa.
Gindugang ni Delfin indi magnubo sa 100 ka mga benepisyaryo ang madula sa ila total allocation matapos ang ginpatigayon nga pre-validation.
Samtang sa mga benepisyaryo naman nga wala malakip sa listahan apisar may yara nga isa ka ektarya nga ulumhan, posible nga na-ulihi sila sa pagparehistro rason nga wala ini malakip ukon maaprubahan.
Apang mahimo sila sa gihapon nga makapalista agud masumiter ang ila nga pangalan sa regional office sang DA kag malakip na sa prayoridad sa masunod nga magpanagtag sang ayuda.
