Nagtakup na ang kampanya ni Para swimmer Ernie Gawilan sa Paralympics nga ginapatigayon sa France.
Nakuha sini ang ikaanum nga pwesto sa men’s 400 meters freestyle S7 Final.
May yara naman ini sang total time recorded nga 5:03:18 para sa ulihi nga karera sa ikatatlo nga sunod-sunod nga hampang.
Nagdaog naman sang bulawan nga medalya si Federico Bicelli sang Italy nga narecord sang oras nga 4:38.70 samtang silver medal naman ang nakuha ni Andrii Trusov sang Ukraine kag bronze medal naman ang nakuha ni Inaki Basiloff sang Argentina.
Ang nasambit nga tatlo ka mga medalist ang nakarecord sang mas mahinay nga oras sangsa kay Gawilan sa heats.
Daw kaangay nga nagsulit naman ang pwesto sang Davao City pride bangud sang nakaligad nga Tokyo Paralympics nga nakuha man sini ang ika-anum nga pwesto.
Madumduman nga napaslawan man nga makasulod sa finals sang men’s 200 meters indibidwal medley SM7 si Gawilan sang nakaligad nga semana
