Patay kag pilason ang pila ka mga persona, matapos ang nagluntad nga insidente sa tunga sang nagapadayon nga Lapu-Lapu Festival sa Vancouver, Canada

Patay kag pilason ang pila ka mga persona, matapos nga gin-arado sang salakyan ang isa ka crowd sa Lapu Lapu Festival sa Vancouver, Canada, sang Sabado sang gab-i, Abril 26, 2025.

Suno sa Vancouver police, yara na sa kustodiya ang driver sang salakyan, apang wala pa ginpaguwa ang iya identity.

Nagpabutyag man ini sang simpatiya sa mga pamilya nga naulamid sa insidente.

Suno kay NDP leader Jagmeet Singh, nga yara siya sa festival antes matabo ang insidente, ginlaragway man sini, nga isa ka ‘horrified’ ang natabo nga insidente.

Nagpasalamat man ini sa mga responders nga gilayon nga nagresponder sa insidente.

Padayon ang imbestigasyon sang mga otoridad kag sa karon wala pa matumod eksakto kun pila ang mga napatay kag napilasan.