ROXAS CITY – Pabor si Punong Barangay Arturo Aragon nga pabutangan sang pulis sa outpost sang Barangay Cagay sining syudad.
Suno kay Aragon, nga wala sang problema para sa iya kun sa Barangay Balijuagan, ipahamtang ang mga pulis bangud ginakabig ini nga isa ka strategic nga lugar.
Bangud diri, ginpull- out ni Police Lieutenant Col. Ricardo Jomuad Jr. ang mga pulis nga nakadeploy sa Barangay Cagay kag gintransfer sa Barangay Balijuagan.
Samtang ginpasalig naman ni Mayor Ronnie Dadivas kay Aragon, nga maghulat-hulat lamang bangud kulang pa ang numero sang pulis nga mahimu makaduty sa Cagay.
Ini matapos nga nag-augment ang iban nga mga pulis sa Ati-Atihan sa Aklan kag Dinagyang sa Iloilo.
Luyag ni Aragon nga bisan isa lamang ka pulis ang ipahamtang sa out post sang Cagay agud mapabilin ang peace and order kag may katahap ang mga pumuluyo nga maghimo sang anuman nga kalakasan kun makita ang presensia sang pulis.
Nagpanginwala naman nga maghatag sang komento si Aragon angut sa isyu nga masami nagakadto ang mga pulis sa balay ni City Councilor Moreno Gonzaga apisar nga nakaduty sila.
Gin-athag ni Aragon nga posible nagapamahaw lamang ang mga pulis sa balay ni Gonzaga kag nagabalik man sa outpost.
