ROXAS CITY – Ginkumpirmar ni Punong Barangay Anita Bitoon sang Barangay Tanque, Roxas City nga indi tumandok sang ila lugar ang menor de edad nga nadakpan sa ginpatigayon nga buy bust operation sa Sito Ilaya, Barangay Tanque, Roxas City.
Matandaan nga nakuha sa posesyon sini ang 1 unit sang calibre .38 nga armas luthang, 5 ka bala kag P2,500.00 nga buybust money.
Sa interview sang Bombo Radyo kay PB Bitoon, ginpahayag sini nga isa ka estudyante ang nadakpan kag nagaboard lamang sa ila nga lugar.
Mahibaluan nga subang sa tatlo ka mag-utod ang amu nga menor de edad.
Matandaan nga ang amu nga armas luthang ang ginapanag-iyahan sang iya Lolo kung sa diin ginbaligya niya ini online.
Sa karon, nagapabilin ini sa paghinakop sang Roxas City PNP para sa nagakaigo nga disposisyon.
