PANITAN CAPIZ – Ginsabat ni Punong Barangay Rosemarie Detablan sang Barangay Cabugao, Panitan Capiz ang mga ginahaboy nga alegasyon batuk sa iya sang duha niya ka mga pumuluyo ang mag-asawa nga sanday Mr. Joey isa ka CVO kag Mrs. Kela Joy Delay nga Barangay Health Worker (BHW) may kaangtanan sa pagpili sini sang pagpalista sa benepisyaryo sang cash assistance.
Matandaan nga personal nga nagpadulong sa talatapan sa Bombo Radyo ang mag-asawa nga sanday Delay agud ipalab-ot ang ginapahayag nga indi patas nga ginahimo sang ila punong barangay.
Sa interview sang Bombo Radyo kay PB Detablan, ginpahayag sini indi matuod nga ginapili niya ang mga yara sa listahan bangud sa pagkamatuod ginpapasa niya suno diri sang ID ang mga CVO kalakip na diri si Joey Delay.
Apang ginpabalik ang mga papeles sini bangud suno sa validation nga disqualify ini bangud benepisyaryo sila sang Pantawid Pamilyang Pilipino Program (4Ps).
Indi man suno diri matuod nga ginpahog niya ang mag-asawa kag sa baylo suno sa kapitana nga si Joey pa ang nagpahog sini sa iya nga hatagan niya sang gamo ang barangay kag wala ini nahadlok.
Subong man nga indi matuod ang ginaalegar nga ginabuhinan sini niya sang tig-P200.00 ang mga benepisyaryo sa tion nga makakuha sang ayuda.
Bangud sini, natalana sila suno kay Detablan nga magahinala sa palaabuton nga Miyerkules Oktobre 3, 2024 agud masolbar ang nasambit nga isyu.
Mahibaluan nga sa 25 nga CVO sang ila barangay 22 lamang diri ang nadala.
Mensahe ni Detablan sa iya mga nasakupan nga kung may mga butang nga indi maintindihan mas maayo tani suno diri nga hinalaan sa barangay agud indi na maglab-ot pa sa kahanginan.
