Ginapadali na ni Presidente Ferdinand Marcos Jr., sa Department of Public Works and Highway (DPWH) ang pagtindog sang mga permanente nga storm-resilient evacuation centers sa mga lugar nga ginakabig nga prone disaster areas sa nagkalain-lain nga bahin sang pungsod.
Suno kay Presidente Marcos importante nga mag-angkon na sang permanente nga evacuation centers sang agud indi nga pagagamiton ang mga eskwelahan.
Ginhimu sang Presidente ang pahayag matapos permahan ang enrolled bills ang Ligtas Pinoy Centers and the Student Loan Payment Moratorium kagaina sang aga sa Palasyo sang Malakanyang.
Ginasiguro sang Presidente sa DPWH nga ang pagtindog sang mga evacuation centers ang nasanto sa required minimum standards, kalakip ang National Building Code kag may kunsiderasyon sa panginahanglanon sang mga LGU.
