Nagpagwa ang Philippine Deposit Insurance Corporation (PDIC) sang P106.9 milion para sa deposit insurance claims sang 2025. Sakop sini ang masobra 3,700 claims halin sa 3,111 deposit accounts sang duha ka rural bank nga ginpasarado sang Bangko Sentral ng Pilipinas (BSP) sa diin amo ang Emerald Rural Bank Inc. sa Bulacan kag Oriental Tamaraw Rural Bank of Naujan Inc. sa Oriental Mindoro.
Suno sa PDIC, 92 percent sang kabug-usan nga deposit accounts ukon masobra 3,400 claims ang gilayon nga nabaydan sa idalom sang ila nga waiver policy. Ang P44.4 million nga balor sang claims ang na-release sa sulod sang 13 ka adlaw halin sa takeover, samtang ang nabilin nga 303 claims nga nagabalor sang P62.5 million ang nabayaran sa sulod sang 15 tubtob 20 working days.
Ginpahanumduman sang PDIC ang mga depositor nga wala pa naghatag sang claims nga may yara sila sang tubtob duha ka tuig halin sa takeover sang bangko para ipasa ang ila nga claims pamaagi sang email, postal mail, courier, ukon personal nga pagbisita sa PDIC Public Assistance Center.
