ROXAS CITY -Ginkompirmar sang Provincial Disaster Risk Reduction and Management Office (PDRRMO) nga may dugang nga mga Overseas Filipino Workers (OFW) repatriates nga nag-abot sa probinsiya sang Capiz.
Sa pagpakig-angut sang Bombo Radyo sa nasambit nga talatapan, 10 ka mga OFW repatriates ang nag-abot sa probinsiya gikan sa Metro Manila.
Ang nasambit nga mga repatriates ang nagsakay sa sweeper flight nga naghugpa sa siyudad sang Iloilo.
Tag-tatlo diri ang taga-siyudad sang Roxas kag banwa sang Pilar, 2 ang taga-banwa sang Dao, kag tag-isa ang taga-banwa sang Tapaz kag Mambusao.
Nahibaluan pa nga ang 3 ka mga OFW repatriates nga taga-siyudad sang Roxas ang nag-negatibo na sa coronavirus disease.
Samtang gindala na ang iban nga mga repatriates sa mga kabanwahan agud mapaidalom sa quarantine.
