Gin-athag naman ni Judy Grace Pelaez, pinuno sang Provincial Disaster Risk Reduction and Management Office (PDRRMO) sa ginpatigayon nga press conference kahapon nga indi mahimo gamiton para sa sweldo sang mga empleyado sang Roxas Memorial Provincial Hospital ang quick response fund nga ginatumod ni Board Member Jonathan ‘’Sonny’’ Besa nga sarang magamit para sa kinahanglanon sang nasambit nga ospital nga indi na kinahanglan ang approval sang Sangguniang Panlalawigan.
Aminado si Pelaez nga ginagamit ang pondo sang QRF sa covid response operation, bulong, PPEs, medical supplies, apang indi tanan nga kinahanglanon sang RMPH ang dapat kuhaon sa calamity fund.
Dapat nga bilinan sang nasambit nga pondo ang natural calamities kasubong sang bagyo nga ginalauman sa bulan sang Nobyembre kag Disyembre.
