Nagapanawagan sang hustisya ang Philippine Air Force (PAF) sa pagkamatay ni SEA Games gold medalist Mervin Guarte.
Si Guarte isa ka Airman First Class nga nagpakigbahin sa PAF pinaagi sa direct enlistment sadtong 2015.
Mahibaluan nga nagpauli si Guarte sang pila ka medalya sa mga ginpasakupan sini nga sporting event nga ginakalakipan sang isa ka bulawan sadtong 2023 SEA Games, subong man sadtong 2019, kag duha ka silver sadtong 2011.
Ang mga nasambit nga medalya nakuha sini sa lunsay running events.
Suno sa PAF, ginasinggitan nila ang hustisya sa pagkamatay sang national athlete kung sa diin pila ka beses na nga naghatag sang dungog sa Pilipinas kag sa air force pinaagi sa nagkalain-lain nga international competition.
Ginsiguro man sang ahensya ang kahandaan sini nga makig-angut sa Philippine National Police (PNP) para sa imbestigasyon kag dalayon nga paghatag sang hustisya kay Guarte.
Gintawag sang grupo ang batikan nga atleta bilang ‘accomplished’ soldier athlete kag may disiplina, dedikasyon, subong man may commitment sa iya obligasyon kag trabaho.
Matandaan nga nag-angkon sang patal nga pilas sa nagkalain-lain nga parte sang lawas si Guarte sa Calapan City, Oriental Mindoro.
