Ginpaambit sang Philippine Army nga wala sila sang nakita nga pamahog sa seguridad nga mahimo makaapekto sa una nga parliamentary elections sa Bangsamoro Autonomous Region in Muslim Mindanao nga natalana nga patigayunon sa Setyembre 14, 2026.
Suno kay Army Spokesperson Col. Louie Dema-ala, padayon ang monitoring sang ila nga hubon sa mga lugar nga may kasaysayan sang election-related concerns agud masiguro ang maayos kag safe nga pnili-ay.
Nakahanda man ang Army nga suportahan ang Philippine National Police kag Commission on Elections sa pagpabilin sang seguridad, kalinong, kag katawhay sa proseso sang eleksyon.
Ginsambit man nga may bastante nga pwersa halin sa 1st, 6th, at 11th Infantry Divisions para sa mga security missions sa western Mindanao.
