Naka-full alert sa gihapon ang Philippine Coast Guard sa pagbantay kag pagmonitor sang kalalawran sa probinsya sang Capiz.
Sa interview sang Bombo Radyo kay Senior Chief Petty Officer Arnel Nisola, Chief Master-at-arms sang Philippine Coast Guard-Capiz, iya ginpahayag nga nagdeploy ang ila talatapan sa nagkalain-lain nga bahin sang probinsya agud magbulig kun kinahanglanon.
Suno pa kay Nisola, nakatutok sila sa mga flood prone areas sa bulig sang mga Municipal Risk Reduction and Management Office sang kada banwa agud makaresponde sa mga pumuluyo nga ma-stranded sa lugar .
Pahayag pa niya, subong nga tion ginadumilian pa ang mga sakayang-pandagat nga maglayag bangud napaidalom sa gihapon ang Capiz sa tropical cyclone wind signal no.2 kag ginalauman pa ang mabaskog nga balod.
Nagpanawagan ang natungdan sa publiko nga ipabilin nga mangin alerto kag pirmi gid maghalong agud malikawan ang mga aksidente .
