Nag-file man sang kandidatura ang pila ka artista kag social media personality agud magpapili bilang konsehal sa 2025 midterm elections.
Kalakip diri ang aktor nga si Enzo Pineda nga gin-updan sang iya nga kahagugma kag aktres nga si Michelle Vito kag iya nga iloy para magfile sang iya nga Certificate of Candidacy (COC) sa pagka-konsehal sa ikalima nga distrito sang Quezon city.
Ang amay ni Enzo anay naman nga nangin kongresista nga si Enrico Pineda bilang kinatawan sang 1-Pacman partylist.
Liwat man nga magapapili ang aktor nga si Alfred Vargas bilang konsehal sang ikalima nga distrito sang syudad sang Quezon sa ikaduha nga termino.
Nag-file man ang isa sa noontime variety show host nga si Ion Perez nga baguhanon sa pulitika nga magapapili bilang konsehal sa Conception, Tarlac nga nauna nga nanumpa bilang miyembro sang Nationalist People’s Coalition nga ginpamunuan ni Tarlac Gov. Susan Yap.
Samtang, nagfile man sang iya nga kandidatura ang content creator kag beauty products owner nga si Rosmarie “Rosmar” Tan-Pamulaklakin para sa pagka-konsehal sa una nga distrito sang Maynila bilang independent candidate.
Una sini nga ginsulod ang pulitika sang 2022 sa pagdalagan bilang konsehal sang ikaapat nga distrito sang Maynila apang napaslawan ini.
