ROXAS CITY – Nakabaton sang pasidungog ang tagsa ka mga kabaranggayan sa siyudad sang Roxas kasunod sa ginpatigayon nga Dungog sa Barangay ukon Local Government Unit (LGU Night) sa Dinggoy Roxas Civic Center.
Ang Top 20 ka mga kabaranggayan nga nakabaton sang Special Awards, Major Awards kag Best Performing Barangays, sa diin ang Top 5 Barangays diri amo ang Barangay Lawaan nga nakabaton sang incentives nga P40,000; Balijuagan nga may P30,000; Baybay nga may P20,000; Barra nga may P10,000 kag Barangay 2 nga may P5,000.
Ginsundan naman ini sang Barangays 10, Cagay, Punta Tabuc, San Jose, Jumaguicjic, Dayao, 8, Olotayan, Dinginan, Mongpong, Adlawan, Culasi, 11, Libas kag Lonoy.
Pag-abot naman sa Best in Environment Management; 1st ang Brgy. Balijuagan, 2nd ang Brgy. Barra kag 3rd amo ang Brgy. Cagay.
Kalakip naman sa drug cleared barangays amo ang Barangays 3,4,6; Punta Tabuc; Olotayan kag Talon.
Samtang, sa Lupong Tagapamayapa Incentives Award nagapanguna sa gihapon diri ang Brgy. Milibili ginsundan sang Brgy. Baybay kag Brgy Inzo, Arnaldo.
Pag-abot naman sa Search for the Outstanding Brgy. Tanod (Individual Category) nagkampyon amo si Edwin Vasquez sang Brgy. Banica kag ginsundan ni Cheryl Colona sang Brgy. Lawaan samtang sa (Group Category) nagkampyon sa gihapon ang Brgy. Banica, ginsundan sang Brgy. Lawaan; Baybay kag Punta Tabuc.
Ang Best Barangay Treasurer naman ang nakuha ni Liza Laurella sang Brgy. Barra; Best Barangay Secretary si Kristelle Anne Mae sang Brgy. Punta Tabuc; Best Council Member si Ernie Lorenzo sang Brgy. Barra kag Best Punong Barangay naman si Brgy. Captain Reynaldo Magallanes sang Brgy. Baybay.
Pag-abot naman sa Best in Governance; 1st ang Brgy. Barra; 2nd Lawaan kag 3rd Baybay.
Ang Best in Administration naman amo ang Brgy. Lawaan, ginsundan sang Barra kag Brgy. 10.
Nakuha naman sang Brgy. Lawaan ang una nga pwesto sa Best in Social Services ginsundan sang Brgy. Mongpong kag ikatatlo amo ang Brgy. 10.
Samtang, sa Best in Economic Development nagapanguna diri amo ang Brgy. Balijuagan ginsundan sang Brgy. Baybay kag Mongpong.
Ang nasambit nga pasidungog naggikan sa Department of Interior and Local Government (DILG) sa diin kalakip sa mga nagtambong sa nasambit nga kahiwatan amo sanday Mayor Ronnie Dadivas; DILG Roxas City Ginno Salamangca; DILG Provincial Director John Ace Azarcon kag mga konsehal sang siyudad kalakip na sanday City Councilors Midelo Ocampo, John Paul Arcenas, Trina Marie Ignacio, Paul Ivan Baticados, Jojo Santos kag Kriza Fernando.
