ROXAS CITY – Naga-apelar si President Roxas Mayor Receliste Escolin sa gobyerno sang syudad nga ilakip sa patigayunon nga inspeksyon ang mga videoke bar kag massage clinic sa syudad sang Roxas matapos ginaalegar sini nga may ginatanyag nga extra service ang pila ka mga masahista kag iban pa.
Suno kay Escolin nga sa iya obserbasyon, mas barato ang ginatanyag nga extra service sang mga masahista nga yara sa massage clinic rason nga ginabalik-balikan ini sang mga customers.
Nagapati si Escolin nga mas tuman ang nagakahinabo nga prostitusyon sa mga massage clinic kag videoke bars.
Isa man ini sa nagapaguba sang imahe sang mga KTV bars nga legal ang operasyon sa rason nga wala nagapaidalom sa check up kag weekly monitoring ang mga masahista.
Gindugang ni Escolin nga may yara sang mga massage clinic nga 24/7 ang operasyon rason nga kinahanglan man ini nga tutokan sang gobyerno sang syudad.
Magluwas diri nagapati si Escolin nga may yara man sa gihapon sang mga freelancer nga mga commercial sex worker nga yara lamang sa mga dalanon kun gab-i kag wala napa-idalom sa check up.
