-- ADVERTISEMENT --
Nag-evacuate ang pila ka mga pumuluyo sang Taiwan matapos mag-igo ang Magnitude 7.0 nga linog.
Sa interview sang Bombo Radyo kay International Correspondent Reymart Samino, iya ginpahayag nga yara ini sa building sang ila gina-ubrahan sang mag-igo ang linog.
Suno kay Samino, nabatyagan nila ang makusog nga pagtay-og gani madasig sila nga ginpagwa sa amo nga building agud masiguro ang ila nga seguridad.
Sa subong, wala sang supply sang kuryente sa lugar apang estable ang linya sang komunikasyon kag transportasyon.
Dugang pa sang natungdan, padayon man ang pagpahanumdom sang gobyerno sang Taiwan sa tanan nga mangin aligmat kag maghalong sa posible aftershocks tuga sang linog.
-- ADVERTISEMENT --
