Ginpabutyag sang pila ka senador ang ila pagpamatok sa ginaduso sang Senado nga Senate Bill No. 1979 ukon ang Prevention of Adolescent Pregnancy Bill.
Balabagan suno diri ni Senador Ramon “Bong” Revilla Jr nga mapasar ang nasambit nga hagna nga ginaduso ni Senadora Risa Hontiveros.
Bilang ginikanan nga may mga anak kag apo na, ginpahayag sang senador nga himuon niya ang tanan nga paagi agud protektahan ang mga kabataan batuk sa mga kailigbon ukon sekswal nga buhat.
Ginpunto pa sini nga kinahanglan nga aksyonan ang nagalala nga problema sang mga kabataan nga nagapang-rape sang kapareho sini nga bata, ang mga kabataan nga nangin ginikanan sa hamtong nga edad, kag ang nangin kapabayaan sa mga anak sang mga bata nga iloy.
Magluwas pa diri, malayo ang SB 1979 nga ginaduso ni Hontiveros sa Senate Bill 1209 nga iya gin-file nga may katuyuan nga protektahan ang mga kabataan batuk sa mga hilimuon nga nangin bunga ang timprano nga pagbusong kag paghatag suporta sang gobyerno sa mga adolescent parents.
Indi man pabor si Senate Committee on Basic Education Chairman Senador Sherwin Gatchalian sa pila nga kaundan sang hagna ni Hontiveros.
Sun okay Gatchalian nga may ara sang ginapatuman sa karon nga comprehensive sexuality education sa idalom sang DepEd Order 31 nga may inconsistencies, pagatun-an naman ini Gatchalian sa masunod nga semana.
Apisar nagpahayag sang indi pagpabor si Gatchalian sa bill, nagapati ini nga pag-abot sang amendments ukon debate sa plenaryo sang Senado, mabag-o pa ang porma sini.
