Nagpaandam si Former Supreme Court Associate Justice Antonio Carpio nga mangin “suicide” para sa Pilipinas kon batunon sini ang mga kondisyon sang China para sa posible joint oil and gas exploration sa West Philippine Sea.
Suno kay Carpio, ang anuman nga pag-istoryahanay dapat mag-stick sa orihinal nga kasugtanan sa panahon sang administrasyon ni Duterte, sa diin magasulod lamang ang China sa idalom sang sistema sang kontrata sa serbisyo sang Pilipinas kag ang mga proyekto dapat sakop sang kasuguan sang Pilipinas.
Pahayag pa niya, kun mag-akto ang pungsod nga daw ginakilala sini ang pagpanag-iya sang China sa oil kag gas, itugyan man sini ang soberanya sang Pilipinas sa teritoryo.
Sa amo man nga tion, liwat nga ginbuksan sang administrasyon ni Marcos ang paghinun-anon sa Beijing para sa posible tingub nga pagpangusisa sa tunga sang pangkalibutanon nga krisis sa enerhiya, lakip na ang epekto sang tensyon sa Middle East.
Ginpanindugan man ni Carpio nga ang ano man nga kasugtanan ang indi gilayon nga solusyon sa subong nga concerns sa enerhiya bangud magalawig ini sang pila ka tuig antes ini mangin operational.
