Ginkalampag ni Senate Minority Leader Koko Pimentel ang Department of Trade and Industry (DTI) nga siguruhon nga wala sang mang-abuso sa tion sang Paskwa, ilabi na sa pagtaas sang presyo sang mga produkto para sa Noche Buena.
Suno kay Pimentel, indi dapat pagsamantalahon sang mga negosyante ang pagselebrar sang Paskwa para magtaas sang presyo sa mga produkto kasubong sang keso, macaroni, spaghetti sauce, fruit cocktail, all-purpose cream, hamon, kag iban pa nga pang-Noche Buena.
Paathag sang minority leader, ang Paskwa ang tion sang pagpalangga. Dapat masiguro nga indi ini mangin tion sang pang-abuso kag pagpang-into.
Dugang pa sini, importante nga mapabilin ang patas nga presyo sang mga nagapanguna nga balaklon para sa tanan nga Pilipino, ilabi na ang mga imol.
Dapat strikto man ang monitoring nga ginahimo sang DTI para aksyunan ang mga kumpanya nga ulamid sa price manipulation.
Dugang pa sang senador, indi dapat makalusot ang mga tindahan nga nagatago sang stocks ukon nagapanukot sang sobra para lamang nagkita sang sobra sa Kapaskuhan.
Ginpaandaman man sang senador ang mga tindero nga sundon ang suggested retail price nga gintalana sang Department of Trade and Industry kag mga layi sa proteksyon sang consumer.
Sa pihak sini ginganyat ni Pimentel ang publiko nga indi magduha-duha nga i-report sa mga otoridad ang mga kumpanya ukon negosyante nga nagataas sang presyo sang Noche Buena products.
“Maging alerto at iulat sa DTI ang anumang pang-aabuso sa presyo,” sun okay Pimentel. “Tayo ay may karapatan sa isang patas at makatarungang presyo ng mga pangunahing bilihin,” dugang pa ni Pimentel.
