Isa ka kabayo nga ginhingalanan “Fancy” opisyal nga ginkilala sang Guinness World Records bilang ‘Oldest Living Horse’ sa kalibutan, nga nakalab-ot sa edad nga 37.
Nalabawan ni Fancy ang nauna nga rekord nga ginahuptan sang isa ka kabayo nga napatay sa edad nga 38.
Suno sa iya tag-iya, nga si Paige Sigmon Blumer, ang ila madalom nga kaangtanan nagsugod sang ulihi nga bahin sang dekada 90.
Gilayon nga nawili ang bata sa kaisog kag kusog sang kabayo, ilabi na sang nahibaluan niya nga ginluwas ni Fancy ang asawa sang anay trainer sa isa ka nagalupad nga salsalon sa tion sang mabaskog nga bagyo.
Sugod sang ginbakal siya sang pamilya ni Paige sang tuig 2000, nangin permanente na siya nga katapo sang ila pamilya.
Bilang isa ka American Quarter Horse, ang kalawigon sang kabuhi sang Fancy nga rasa masami nga nagalab-ot lamang sa 25 tubtob 35 ka tuig. Apang bangud sa nagakaigo nga pag-atipan, nagakaigo nga nutrisyon, kag regular nga pagpa-check-up sa mga beterinaryo, nalampasan niya ang iya kabuhi.
Sa pihak sang iya katigulangon kag balatian Cushing’s diseas, kon sa diin kinahanglan niya magkaon sang mahumok kag ginababad nga pagkaon bangod sang mga isyu sa pagtunaw, ang kabayo nagapabilin nga mapagsik kag maisog.
