Natukiban nga nagabusong sang iya subang nga bata ang 32-anyos nga Pinay caregiver nga si Mary Anne Velasquez de Vera, nga napatay sa missile attack sang Iran sa Israel.
Suno sa iya mga previous employers nga sanday Barbara Wachspress kag Janice Prawer, ini ang una nga trabaho niya pag-abot sa Tel Aviv.
Para sa ila duha, espesyal si Mary Anne kag ginatawag nila siya nga “angel on Earth.”
Nag-abot si Mary Anne sa Israel sang 2019, kag ang una niya nga gin-alagaan amo ang iloy nanday Wachspress kag Prawer, si Doris Gurin, isa ka former nurse.
Suno sa ila, nag-alang-alang ang ila iloy sa pagkuha sang live-in caregiver, kag ang iya kaupod lang amo ang ila Shih Tzu nga ido nga si Wally.
Nagdesisyon na sila nga kinahanglan gid sang caregiver, ginlantaw nila ang potensyal sang nga si De Vera tungod ginpahayag nila nga isa siya ka “puppy-lover.”
