MANILA, Philippines – Magapatuman sang “Price Increase”, ang Pito ka manufacturers nga magasugod Abril 1 bangod sa padayon nga pagsaka sang presyo sang gatong, suno sa supermarket group.
Suno kay Steven Cua, presidente sang Philippine Amalgamated Supermarkets Association Inc., may pila na ka kompanya nga nagpaabot nga magapatuman sang price adjustments sa ila mga produkto.
Lakip sa maapektuhan amo ang bottled water, home care products, candies kag noodles.
Dugang pa niya nga ang pinakamataas nga pagsaka sa bottled water yara lamang sa P5 kada galon, samtang gamay nga pagsaka naman ang ginapaabot sa mas gamay nga size sang mga botelya.
Apang ginpahayag ni Cua, indi dapat magkabalaka ang publiko bangod indi tanan nga produkto ang apektado kag ginapaabot nga indi man dako nga pagsaka sang presyo.
