Plaka sang mga salakyan humalin sang 2015, iga-release na sa 2nd quarters sang LTO

ROXAS CITY – Masuguran na ang distribusyon sang plaka sang mga salakyan humalin sang 2015-2018 sa 2^nd quarter sini nga tuig 2019.

Ginpahayag ni Land Transportation Office (LTO) 6 director Rolando Ramos ginahulat na lamang sa karon ang Implementing Rules and Regulation (IRR) antes suguran ang distribusyon sang nasambit nga mga plaka.

Nahibaluan nga ang bag-o nga plaka sang mga salakyan nga iga-release amo na ang gamiton.

Ginabulubanta nga kapin sa 900mil tobtob isa ka milyon ang bag-o nga mga  plaka nga iga-release sang LTO sa Western Visayas sa diin may kadakuon ini nga 8X9.