ROXAS CITY – Nagpasalig ang Punong Barangay sang Barangay 5 sining siyudad nga indi na sini pagdayunon ang plano nga pagpahamtang sa mga magapauli nga Locally Stranded Indivuals ukon LSI’s sa ila barangay.
Ini kasunod sang pagpamatuk sang pila ka mga residente sa nasambit nga barangay.
Suno kay Punong Barangay Lorelie Aguirre nga ginkasugtan na lang nila sang mga barangay council nga temporaryo ipahamtang ang magapauli nga LSI sa opisina sang VAWC.
Ini bangud indi luyag sang mga residente nga ipahamtang ang mga LSI’s sa ginrentahan sini nga boarding bangud madamo ang naga-istar sa lugar partikular na ang mga katigulangan kag kabataan.
Mahibaluan nga nakahangawa ang pila ka mga residente bangud halos tanan nga mga LSI’s ang carrier sang COVID-19 sa probinsya.
Samtang, aminado naman ang nasambit nga punong barangay nga may sala man ini sa iya mga pumuluyo bangud wala sini anay ginkonsulta ang nasambit nga plano.
Gintinguhaan naman ni Aguire nga mahatagan gilayon sang solusyon ang nasambit nga problema matapos nga nag promesa si Aguirre nga indi na sini pag patiniron ang maabot nga LSI’s sa nasambit nga boarding house.
