Nagpahamtang sang 40,000 nga kapulisan ang Philippine National Police (PNP) subong nga paskwa para sa holiday rush traffic nga naeksperyensyahan subong sa bug-os nga pungsod.
Paathag ni PNP Spokesperson Police Brigadier General Jean Fajardo nga ini ang dugang lamang nga tinawo para sa christmas exodus.
Dugang pa sini, ang mga ini ang igapahamtang bilang dugang nga assistance sa mga pantalan, terminal, paluparan, mga simbahan kag iban pa nga places of worships para masiguro ang kaluwasan sang publiko subong nga paskwa.
Sa karon, wala pa sang nabalhag nga mga untoward incidents sumugod sang mag-umpisa ang pagdugok subong nga holiday season.
Mahimo naman nga magpangayo sang bulig ang mga makaeksperyensya sang mga concerns sa mga help desk nga ginpalapta sang ila nga ahensya sa nagkalain-lain nga mga terminal kag bahin sang pungsod.
Samtang, kabulig man sang PNP ang Bureau of Fire Protection (BFP) kag Armed Forces of the Philippines (AFP) para sa dugang nga augmentation.
