Nakafull – alert status na ang Police Regional Office 6 sa pag-umpisa sang Simbang Gabi.
Sa interview sang Bombo Radyo kay Police Major Lailyn Sencil, spokesperson sang Police Regional Office 6, iya ginpahayag nga may yara sang 465 ka mga katapo sang kapulisan ang gin-deploy sa mga simbahan sa bilog nga Western Visayas.
Suno kay Police Major Sencil, magluwas sa mga simbahan, nag-deploy man ang ila talatapan sa mga tourist destination kun sa diin madamo sang mga tawo ang nagadugok bangud sang holiday season.
Pahayag pa niya, sa una nga gab-i sang simbang gabi, nangin matawhay ang palibot bangud wala sang may nabalhag nga anuman nga insidente.
Nagpanawagan man ang natungdan sa publiko nga mangin alerto kag maghalong sa tanan nga tinion agud malikawan ang indi maayo nga ilabi na nga nagahilapit na ang Paskwa kag Bag-ong tuig.
