Nakumpiska sang Police Regional Office 6 ang nagabalor P47 million nga iligal nga druga sa bilog nga bulan sang Setyembre.
Sa interview sang Bombo Radyo kay Police Major Lailyn Sencil, Spokesperson sang Police Regional Office 6, iya ginpahayag nga sa sulod sang isa ka bulan, nakapatigayon sila sang 131 ka mga anti-drug operations sa bug-os nga rehiyon 6 kag may nakuha nga 7 kilos sang shabu kag 92 grams sang marijuana.
Suno kay Sencil, 184 tanan ang nagkaladakpan nga mga durugista lakip na ang 59 ka mga high value individuals kag 135 nga street value individuals.
Pahayag pa niya, ang nasambit nga kampanya ang bunga sang dedikasyon sang kapulisan nga pangapinan ang mga pumuluyo batuk sa malain nga epekto sang druga.
Dugang pa sang natungdan, ginapasiguro sang talatapan nga magapadayon ang masangkad nga operasyon kontra iligal nga druga.
