Ginpasalamatan ni President Ferdinand Marcos Jr. si Israeli President Isaac Herzog bangud nagapabilin nga luwas ang kahimtangan sang mga Filipino nga yara sa Israel.
Ginhimo ni PBBM ang pagpasalamat sa ginhiwat nga paghinun-anon sang duha sa telepono sa sulod sang Malacañang Palace.
Suno sa presidente nga nagapabilin ang Israel nga isa sa mga ginasaligan nga bilateral partners sa Middle East.
Dugang pa sini nga apisar nga may yara sang mataas nga tensiyon sa Israel bangud sa paggiyera nila sa Hezbollah kag Hamas, ginpasiguro nila nga luwas didto ang mga Pinoy.
Matandaan nga kalakip ang Pilipinas sa nagboto sa United Nations General Assembly resolution nga nagahinyo sang ceasefire sa Gaza para makasulod ang humanitarian aid kag mabuligan ang mga naipit sa nasambit nga lugar.
