Ginhatagan pagtamod ni Presidente Ferdinand Marcos Jr. nga sa panahon nga ini nga nagaatubang sa madamo nga pagpanghangkat ang pungsod kag sa mabudlay nga pamangkot nga kun masaligan pa bala ang gobyerno, ginsiling sang Presidente nga kinahanglan sa gihapon nga saligan ang gobyerno.
Ini ang mensahe sang Presidente sa ginpatigayon nga awarding para sa 2025 outstanding Filipinos.
Ginpangunahan sang Presidente ang paghatag sang pasidungog sa 10 ka mga Pilipino nga Lingkod Bayan.
Ginpunto sang Presidente, sa tagsa ka manunudlo, pulis kag suldado nga nagaserbisyo sang tampat nga ini ang pangkontra sa korapsyon.
Bangud sini, ginsiling sang Presidente nga nagapaninguha ang administrasyon nga tadlungon kag ayuson ang mga sala nga pagsinalayo sa gobyerno.
Ginsiguro sini nga magapadayon suno sa iya ang paglimpyo sang gobyerno sa hanay sang mga opisyal kag empleyado sang gobyerno agud pamatud-an nga ang tagsa ka mga alagad sang pungsod nagakadapat nga saligan sang mga pumuluyo.
Aminado ang Presidente nga indi mahapos kag indi madasig ang pagpanglimpyo sa gobyerno, sa diin suno sa iya nga kun kaisa masakit sa ulo apang ginansyado naman sa ulihi.
Suno sa Presidente, ang tagsa ka indibidwal nga ginhatagan sang pasidungog amo ang itsura sang bag-o nga Pilipinas, nga ang pagiging tampad ang indi lamang sang handom kundi isa ka basehan sang pagkilala.
