-- ADVERTISEMENT --
Ginbaton na ni Presidente Ferdinand Marcos Jr. ang pagbuya sa puwesto ni Department of Public Works and Highways (DPWH) Secretary Manuel Bonoan, nga mangin epektibo sa Setyembre 1, 2025.
Suno kay Presidential Communications Office (PCO) Secretary Dave Gomez, gin-appoint ni Presidente Marcos si Department of Transportation (DOTr) Secretary Vince Dizon bilang bag-o nga tiglikom sang DPWH.
Samtang ginaayos ang transisyon, temporaryo nga magapungko bilang acting secretary sang DOTr si Undersecretary Giovanni Z. Lopez.
Wala pa sang ginpaguha nga pahayag si Bonoan angut sa iya nga pagbiya.
Si Dizon naman ang kilala bilang anay Presidential Adviser for Flagship Programs and Projects sa idalom sang administrasyon Duterte, kag nangin nagapanguna nga tagdumalahan sang Build, Build, Build program.
