PANITAN, CAPIZ – Ginkadtuan sang Presidential Anti-Corruption Commission ang Barangay Ambilay, Panitan, Capiz, agud i-tsekyar ang river control project sa lugar.
Sa interview sang Bombo Radyo kay Punong Barangay Juan Deita Baulite, iya ginpahayag nga sa ila pagpadulong sa opisina sang Ombudsman,ginpasulat sila sang sworn statement nahanungod sa ila nahibaluan sa nasambit nga proyekto.
Suno kay Punong Barangay Baulite, sandig sa impormasyon sang Ombudsman, ang proyekto ang yara na sa 70% acccomplished apisar daw wala pa sa 10% ang ang natapos sa lugar.
Pahayag pa niya, sandig sa Presidential Anti-Corruption Commission (PACC) nga ang yara sa portal sang Department of Public Works and Highways (DPWH), ila gindeklara nga nga ang proyektoang yara na sa 54. 49%.
Nagpasalig man ang Presidential Anti-Corruption Commission (PACC) nga pagatutukan ang amo nga proyekto.
Nahibaluan nga sang Agosto 2024, ginsuguran ang nasambit nga mitigation flood control project nga may ginabantay P67 million pesos nga budget apang wala na mapadayon bangud sang rason sang pag-inulan, kag sang Oktubre 2025 lang, ginpundo na ang pag-ubra sa lugar.
Sa subong, nagpadulong naman sa lugar ang contractor agud nga padayunon naman ang amo nga proyekto.
Nagapanawagan man ang natungdan sa contractor kag mga katapo sang Department of Public Works and Highways (DPWH), nga matigayon na nga matapos ang proyekto nga daku gid ang bulig agud makalikaw sa baha ang ila barangay.
INTERVIEWED BY: BOMBO LYND-C JOY BADE VIA BOMBOHANAY SA UDTO
