Ginkumpirma sang Department of Trade and Industry (DTI) nga wala sang pagtaas sa presyo sang mga nagapanguna nga mga balaklon tubtob sa katapusan sang 2025.
Suno kay Trade and Industry Secretary Cristina Aldeguer-Roque, wala sang pagsaka sa presyo sang mga basic necessities kag prime commodities tubtub sa katapusan sang tuig.
Dugang pa ni Roque, wala nagpamatok ang manufacturers sang ginhingyo sang Department of Trade and Industry nga indi na magpasaka sang presyo.
Ang Republic Act 10623, ukon ang Price Act, nagasiling nga ang mga nagapanguna nga kinahanglanon amo ang “mga butang nga importante sa mga kinahanglanon sang mga konsumidor para sa ila pagpangabuhi,” samtang ang nagapanguna nga mga balaklon amo ang “mga butang nga wala ginakabig nga panguna nga mga kinahanglanon apang kinahanglanon sa mga konsumidor.”
Sa idalom sang hurisdiksyon sang DTI, ang mga nagapanguna nga kinahanglanon nagalakip sang tinapay, canned fish, kag iban pa nga mga marine products,potable bottled water, processed milk, instant noodles, kape, asin, laundry soap kag detergents, kag kandila.
Samtang ang nagapanguna nga mga balaklon suno sa DTI amo ang harina,canned pork and beef, langgaw, toyo, isda, bath soap, semento, baterya, electrical supplies,electrical supplies, kag mga lightbulbs.
