Presyo sang bugas, nagtaas; samtang ang baboy kag iban pa nga mga produkto, nagnubo sa una nga semana sang Nobyembre suno sa PSA

Nagtaas ang presyo sang well milled rice sa P47.55/kilo sa una nga semana sang Nobyembre 2025, mas mataas kun ipaanggid sa mga presyo sang Oktubre, suno sa Philippine Statistics Authority. Mas manubo pa man ini kun ipaanggid sa pareho nga panahon sang 2024.

Samtang, nagnubo ang presyo sang fresh pork meat with bones sa P315.63/kilo, halin sa P320.98 kag P323.58 sang Oktubre, apang mas mataas kun ipaanggid sa Nobyembre 2024.

Nagtaas man ang galunggong sa ₱241.71/kilo, samtang nagnubo ang presyo sang kamatis sa ₱104.65/kilo kag Hawaiian ginger sa ₱167.09/kilo kun ipaanggid sa tinalikdan nga bulan.

Padayon na ginabantayan sang Philippine Statistics Authority ang paghulag sang presyo sang mga nagapanguna nga balaklon.