MANILA, Philippines – Posible magsaka tubtob P170 kada litro ang presyo sang diesel sa masunod nga semana bangod sa padayon nga pagsaka sang global oil prices tuga sang gyera sa Middle East.
Suno sa source sang industriya, ginapaabot nga magataas ang diesel sang P17 tubtob P19 kada litro sa Abril 7, samtang ang gasolina mahimo man magsaka sang P3 tubtob P5 kada litro.
Mas mataas ini kumpara sa nagligad nga pagtaas sang presyo nga naglab-ot P4.50 tubtob P12.90 sa diesel kag P1 tubtob P2.90 sa gasolina.
Ginpaathag nga padayon ang pagsaka bangod sa mataas nga demand kag limitado nga supply sa tunga sang krisis sa Middle East.
Samtang, nagpatuman ang Department of Energy sang mas hugot nga tikang batok sa fuel hoarding agud malikawan ang dugang nga problema sa supply kag presyo.
