Presyo sang karne sang baboy, magasaka sa ‘ber’ months

Magasaka ang presyo sang karne sang baboy sa palaabuton nga “ber” months.

Suno sa Pork Producers Federation of the Philippines, halin sa average farm-gate price nga P190 per kilo, posible magtaas ang farmgate price sang local pork sa P230 per kilo.

Bangud sini, posible magtupa ang retail price sa P350 per kilo.

Pahayag ni Eric Harina, Presidente sang grupo, bangud nga ‘Ber’ months na, magasaka liwat ang numero sang bumalakal sang karne sang baboy rason nga pagalauman nga magasaka man ang farm-gate price sini.

Ginaangot sa gihapon ang mahina nga produksyon sang karne sang baboy sa padayon nga mga kaso sang African Swine Fever. Ginahulat man sa gihapon sang industriya ang commercial availability sang bakuna batok sa sini nga balatian sa baboy.