Presyo sang pagkaon, naglab-ot sa mataas nga lebel tuga sang kinagamo sa Middle East

Nagtaas ang presyo sang pagkaon sa bilog nga kalibutan sang Marso, suno sa United Nations Food and Agriculture Organization (FAO).

Sandig sa report, naglab-ot  ini sa pinakamataas nga lebel humalin sang Setyembre 2025 kag posible nga magtaas pa kun magpadayon ang kinagamo sa Middle East nga nagatulod sang pagtaas sang presyo sang enerhiya.

Nagtaas ang cereal sang 1.5%, vegetable oil 5.1%, kag kalamay 7.2%, samtang nagnubo gamay ang bugas sang 3%.

Apisar may bastante nga suplay sang cereal, posible nga magnubo ang ani kun magadugay ang kinagamo.

Gin-abisuhan sang FAO ang mga pungsod kag kunsumidor nga mangin handa sa posible nga pagtaas sang gastos sa pagkain.