Nagapanindugan ang Office of the Prosecutor sang International Criminal Court (ICC) nga ang korte amo ang insakto nga lugar sang tanan nga legal arguments.
Ini kasunod sang nangin pahayag ni Atty. Nicholas Kaufman, ang legal counsel ni Former President Rodrigo Duterte, nga indi matuod, “sensational” ang media coverage kag politically motivated ang paglakip sang mga pangalan nanday Senators Ronald “Bato” Dela Rosa kag Christopher Lawrence “Bong” Go, amo man ang pila ka mga anay gabinete kag police officials, sa dokumento nga ginpaguwa sang ICC nga amo ang mga ginaalegar co-perpetrators sa drug war sang termino ni former President Rodrigo Duterte.
Suno sa Office of the Prosecutor sang ICC, wala sila nagahatag sang komento sa lunsay spekulasyon.
Gin-athag sini nga nagatrabaho ang ICC nga independent, nagasunod sa layi ukon sang Rome Statute kag nagabase ang ila trabaho sa ebidensya.
Wala man nagahatag sang komento ang ICC sa nagapadayon nga imbestigasyon.
Nahibaluan nga natalana sa Pebrero 23 tubtob 27 ang hearing sang confirmation of charges ni Duterte sa Scheveningen Detention Center sa Netherlands.
