Pulis, nagpanguna sa pagbutang sang abo sa agtang sang mga inmates sang Roxas City PNP kadungan sang Ash Wednesday

ROXAS CITY– Ginpangunahan mismo ni Police Staff Sergeant Ronnie Recto ang pagbutang sang abo sa agtang sang mga inmates sang Roxas City Police Station.

Ini ang nasaksihan mismo sang Bombo Radyo News Team ang pagbutang sang abo sa mga bilanggo sang nasambit nga pulis.

Mahibaloan nga tuigan na ini ginapatigayon ang pagbutang sang abo sa mga preso kada Lenten Season.

Ang Ash Wednesday ang nagapahayag nga nagsugod na ang 40 ka-adlaw nga Lenten Season ukon panahon sang Kwaresma.

Panahon man ini sang fasting ukon pagpaiway sa mga pagkaon.