Pumuluyo masako na sa pagpamakal sang mga prutas para sa “media noche”

ROXAS CITY – Masako na sa pagpamakal sang mga prutas ang mga pumuluyo sa tagsa ka mga merkado publiko kadungan sa pagsug-alaw sang bag-ong tuig sa Enero 1, 2021.

Sa interview sang Bombo Radyo News Team sa mga fruit vendors nga posible magsaka pa ang presyo sang mga prutas ilabi na nga madamo subong ang nagapamakal para i-preparar sa ila media noche.

Apang, gin-athag sang mga vendors nga nagpatuman na sila sang pagsaka sa presyo sang nagligad nga mga inadlaw.

Kalakip sa mga mabakal nga mga prutas amo ang grapes, apple, orange, sandiya kag mga bilog nga prutas.

Mahibaluan nga ang iban nga mga prutas nga ginabaligya sang mga fruit vendor’s ang naghalin pa sa luwas sang pungsod kapareho sang China kag Japan.