Nag-angkon sang magkahalo nga reaksyon nagikan sa mga basketball fans ang ginhimo nga rebulto para kay NBA star Dwayne Wade.
Sa isa ka ginpatigayon nga pagkilala sa Miami Heat star ginpakita sini ang iya nga rebulto sa guwa sang Kaseya Center.
Siya lamang ang una nga player sa franchise sang Heat nga nahatagan sang kaugalingon nga rebulto.
Ang nasambit nga rebulto ang ginsunod sa iconic nga hulag sini sang makuha ang buzzer-beater kag lutuson ang Chicago Bulls 130-127 sa overtime sadtong Marso 9, 2009.
Nakaangkon si Wade sang tatlo ka NBA titles sa Heat sadtong 2006, 2012 kag 2013 nakuha man sini ang 2006 Finals Most Valuable Player kag nangin 13-time All-Star player.
May pila ka nakatalupangod nga kaitsura sang Hollywood actor nga si Laurence Fishburne samtang ang pila naman mas ginakabig nila ini nga isa ka Asyano.
