-- ADVERTISEMENT --
Ginpalab-ot na sa Roxas City Government ang sitwasyon sang masami pagbaha sa Barangay Tiza, Roxas City.
Sa interview sang Bombo Radyo kay Punong Barangay Dax Noel Alovera Sr., iya ginpahayag nga ginatinguhaan naman sang local government nga hatagan sang aksyon ang amo nga reklamo.
Apang suno sa iya, base sa pahayag sang Roxas City Government, indi pa sa subong masarangan sang budget ang pagpakay-o sang mga drainage.
Pahayag pa ni Alovera, nagapadayon naman ang ila pagpaninlo sa mga kanal agud indi magtinir sang malawig ang tubig-baha kun mag-ulan.
Nagapanguna nga rason sang pagbaha amo ang mga basura nga ginahaboy sa bisan diin lang nga nagasulod sa mga kanal sa diin nagaresulta sa pagbara.
Interviewed by Bombo Francis Biñas
