PANITAN, CAPIZ- Nakalab-ot na sa talatapan sang Department of Public Works and Highways (DPWH) ang reklamo may kaangtanan sa palpak nga river control project sa Barangay Cadio, Panitan, Capiz.
Sa interview sang Bombo Radyo kay Mr. Mark Jay Dumol, Head sang Municipal Disaster Risk Reduction and Management Office –Panitan, Capiz, iya ginpahayag nga kasunod sang natabo nga pagkatiphag sang amo nga river control, ginpadulungan ang ini nga lugar kag gin-checkyar.
Nahibaluan nga ang amo nga river control ang nagaserbe man nga alagyan sang mga residente sa amo nga lugar kag yara na ini sa walo ka tuig ang pagtindog apang ginakabig nila ini nga palpak.
Samtang, ginahulat nalang sang amo nga talatapan ang mangin aksyon kag sabat sang Department of Public Works and Highways (DPWH) angut sa nasambit nga proyekto.
Interviewed by Bombo Jessa Mae Siman De Los Santos
