Nagsungka sa mga otoridad si Cavite 4th District Representative Francisco “Kiko” Barzaga, pagkatapos nga ang Makati Regional Trial Court nagpaguwa sang arrest warrant para sa walo ka kaso sang cyber libel.
Suno sa Branch 147 sang Makati court, ginmanduan ang mga law enforcement officers nga dakpon si Barzaga kag gilayon nga ipresentar sa korte.
Gintalana ang iya piyansa sa P48,000 kada count, ukon kabug-usan nga P384,000 para sa walo ka counts sang reklamo.
Sa warrant nga gin-issue ni Presiding Judge Karla Regina D. Valera-Chua, ginmanduan man ang mga nagdakop nga pulis nga maggamit sang body-worn cameras kag dugang nga recording devices suno sa polisa sang Korte Suprema.
Matandaan, una na nga ginsuspende si Barzaga bilang Representative sang House of Representatives bangud sa ginaalegar disorderly conduct sa kamara.
