Nangin mainit ang pinakauna nga presidential debate sa tunga nanday Democratic Party candidate Vice President Kamala Harris kag Republican Party candidate former President Donald Trump.
Nagdugay sang masobra isa ka oras kag tunga ang debate sang duha kun sa diin ginsuguran ini sa pagkamusta ni Harris kay Trump.
Sa debate, ginlaslasan ni Harris si Trump kun sa diin ginatawag niya ini nga convicted felon kag gintawag man sini nga kabutigan lang ang assassination attempt sa iya agud makuha ang simpatiya sang publiko.
Ginpakamalaot man ni Trump si Harris bangud sa iya Afghanistan kag immigration issues nga kun sa diin ginpaanggid pa sini kay President Joe Biden.
Ginbulgar man sini nga sa idalom sang administrasyon sa karon, naglala ang sitwasyon sang mga immigrants bangud nagakaon na lang ang mga ini sang ido kag kuring.
Sa pihak sini, ginakabig man ni Trump ang pagbinaisay nila ni Harris nga isa ka maayo nga kahigayunan, apang indi pa masigurado kun masugpunan pa ini.
Ginakabig naman ni Harris nga underdog sa gihapon ini kay Trump. Nahibaluan nga walo nalang ka semana kag magasugod na ang US presidential elections.
