Nagapati si anay unified welterweight world champion nga si Keith Thurman nga nakadepende sa ikaayong lawas kag kondisyon sang 46 anyos nga Filipino boxing legend ang away nanday Manny Pacquiao kag Mario Barrios.
Madumduman nga magabalik sa ring si Pacquiao matapos ang apat ka tuig nga pagretiro kontra kay Barrios para sa WBC welterweight title sa Hulyo 19 sa MGM Grand Garden Arena sa Las Vegas.
Madumduman nga ginlutos ni Pacquiao si Thurman sadtong 2019 pinaagi sa split decision nga nagtumba sa iya sa first round. Napierde si Thurman kay Pacquiao sa edad nga 40, sang nangin pinakatigulang nga welterweight champion ang Filipino boxer.
Si Thurman nakig-away man kay Barrios sang 2022 kag nagdaug paagi sa unanimous nga desisyon. Suno sa iya, apisar nga may kusog si Barrios, mahapos ini nga maigo kag may kahuyang sa gihapon sa depensa.
Samtang, 62-8-2 (39KOs) ang record ni Pacquiao samtang 29-2-1 (18KOs) naman si Barrios.
