PANAY, CAPIZ – Padayon sa gihapon ang pagkaayo sang river control project sa Barangay Ambilay, Panitan,Capiz.
Sa interview sang Bombo Radyo kay Punong Barangay Juan Deita Baulite, iya ginpahayag nga liwat naman nga nauntat ang pag-ubra sang nagligad nga semana bangod sang malain nga panahon.
Suno kay Baulite, wala pa sang opisyal nga report halin sa contractor nahanungodsang proyekto.
Nahibaluan nga sang Agosto 2024, ginsuguran ang nasambit nga mitigation flood control project nga may ginabulubanta nga P67 million pesos nga budget apang wala na mapadayon bangud sang rason sang pag-inulan, kag sang Oktubre 2025 lang, ginpundo liwat ang pag-ubra sa lugar.
Apang sang sini lang nga Enero 2026, liwat nga ginsuguran ang proyekto sa pagpanguna sang mga katapo sang Department of Public Works and Highways (DPWH) kaupod ang contractor sini nga Jasa Builders Construction.
Nagapanawagan ang natungdan sa contractor nga matigayon na nga matapos ang proyekto sa labing madali nga panahon agud masiguro ang seguridad sang mga pumuluyo sa tion sang kalamidad.
