ROXAS CITY – Isa ka istratehiya sang gobyerno agud makuha ang mga obstruction sa higad sang dalan nga masami ukon posible tunaan sang aksidente sang mga motorista.
Sa interview sang Bombo Radyo kay Engineer Julius Abela, Chief sang Maintenance Division sang Department of Public Works and Highways DPWH) Capiz 1st Engineering District ginpahayag sini nga kun tani ini nga lihok sang gobyerno ang pagasuportahan sang publiko bangud dako ang impact kag mabulig sini sa tanan.
Mahibaluan nga subong nga adlaw, ginsuguran na nga i-dimolish ang pila ka mga balaligyaan sang isda, utan kag karne sa higad sang dalan sa Barangay Lawaan, Roxas City.
Suno kay Abela, umpisa pa lamang ini sang ila operasyon bangud una nga nag-implememtar sang amu nga order ang barangay Lawaan.
Sa ginpatigayon nga dimolasyon, nagtingub sang pwersa ang pila ka mga ahensya kaangay sang Land Transportation Office (LTO), Highway Patrol Group, City Engineers Office, Department of Public Works and Highways (DPWH), kaupod ang opisyales sang barangay kag iban pa.
Kalakip sa amu nga operasyon ang pagsita sa mga naga-illegal park sa dalan, mga repair shop nga halos yara na sa dalan subong man ang mga edipisyo nga naglapaw sa metros nga ginapatuman.
Pananglitan suno diri nga magbalik liwat ang mga ginapahalin nga manugbaligy, may yara sila suno diri sang mga penalidad nga paga-atubangon.
