Nakakuha sang bag-o nga record ang mag-utod nga lalaki gikan sa Britanya sa Guinness Book of World Records matapos nga na-solve sang ila robot ang 4x4x4 Rubik’s Cube sa sulod lang sang 45.3 segundos.
Sanday Matthew kag Thomas Pidden, nga lunsay mahilig sa robotics kag computer mechanics ang nagpakita sang ikasarang sang ila robot sa University of Bristol.
Ang nauna nga rekord nga 1 minute and 18.68 seconds sang 2014, ang mas ginlabawan nila sa mas na-improve nila nga imbensyon
Suno kay Matthew, ginlakip niya ang pagrekord bilang kabahin sang iya katapusan nga proyekto sa iya nga undergraduate course.
Pahayag pa sini, nanamian sila sa Rubik’s Cube kag sa siyensya nahanungod sang mga computer humalin pa sang bata pa sila, rason nga gintingob sini ang duha kag nangin isa ka madinalag-on nga imbensyon.
Ang nasambit nga robot ang nagagamit sang apat ka butkon sa pagmaniobra sang cube tubtob nga ang makumpleto ang apat ka side.
May duha ini ka camera nga naga-usisa sang cube, nga ginatabunan sang plastic shutters antes magsugod ang pag-solve.
Ginsiguro man ni Matthew nga ang cube ang na-solve mismo sang robot kag sang software sa laptop, nga wala sang bisan ano ngabulig gikan sa mga network.
