Nagpapasar sang resolusyon ang Sangguniang Panglungsod nga nagapamatok sa paghimo sa Capiz National Highschool nga quarantine facility para sa mga magapauli nga mga nastranded nga mga seafarers kag Overseas Filipino Workers gikan Cebu City kag Metro Manila.
Ini ang ginpahayag ni City Councilor Gary Potato sang mainterview sang Bombo Radyo.
Suno sa kay Potato nga dapat shared-responsilibility ang buhaton sang mga Local Governments Units sa diin sa tagsa ka mga quarantine facilities ang ipahamtang sa mga kabanwahanan para sa mga magapauli nga mga seafarers kag OFW’s.
Gindugang pa sini nga wala man ginpatawag sang provincial government ang konseho sang syudad agud hinalaan ini kalakip na ang occular inspection, kag ang seguridad sa nasambit nga buluthuan.
Apang gin-athag ni Potato nga wala nagamapatuk ang syudad sa pagpapauli sang mga seafarers kag mga OFW’s sa probinsiya kundi luyag lamang sang konseho nga masiguro ang seguridad sang mga residente sang syudad.
Samtang mas maayo suno kay Potato nga ipahamtang sa mas malayo nga lugar ang quarantine facility kag indi sa amo nga buluthuan bangud madamo sang mga panimalay sa palibot.
